Course info

I. Ўқув фанининг долзарблиги ва олий касбий

таълимдаги ўрни 

Тиллар ўқитиш методикаси ва таълим технологиялари фани ихтисослик 

фани саналиб, у талабаларни ҳам назарий, ҳам амалий жиҳатдан олий ва ўрта

таълим муассасалари ўқитувчисини касбий фаолиятга тайёрлайди. Фаннинг

долзарблиги  ўқитувчи фаолияти учун бирламчи ҳисобланган педагогик

кўникма ва маҳоратнинг шаклланиш зарурияти билан белгиланади.  

     Ўқув фанининг асосий мазмуни “Таълим тўғрисида”ги Қонун,

Ўзбекистон  Республикасининг кадрлар тайёрлаш Миллий дастури, давлат

таълим стандарти талаблари, 2017 йил 7 февралдаги “Ўзбекистон

Республикасини янада ривожлантириш бўйича Ҳаракатлар стратегияси

тўғрисида”ги ПФ-4947-сонли Фармонлари, шунингдек 2017 йил 20 апрелдаги

“Олий таълим тизимини янада ривожлантириш чора-тадбирлари тўғрисида”ги

ПҚ–2909-сонли қарорида белгиланган  устувор вазифалар  мазмунидан келиб

чиққан ҳолда тузилган бўлиб, у замонавий талаблар бўлғуси педагог

кадрларнинг касбий компетентлигини мунтазам ошириб боришни мақсад

қилади.    

II. Ўқув фанининг мақсади ва вазифаси

  Фанни  ўқитишдан мақсад – талабани чет тил ўқитувчиси касбий 

фаолиятига назарий ҳамда амалий жиҳатдан тайёрлашдан иборат. Замонавий

методиканинг асосий муаммолари билан таништириш “Тиллар ўқитиш

методикаси ва таълим технологиялари” фанининг асосий вазифаси саналади.

Ушбу фан талабаларни ўзлари ишлаётган таълим муассасаларида олиб

бориладиган дарсларда дуч келиши мумкин бўлган аниқ вазифаларни

моҳирона ҳал этишга йўналтиради. Бунда асосий эътибор талабаларнинг

амалий кўникмаларини ишлаб чиқиш, асосий касбий малакасининг

шаклланиши; дарснинг онгли, тарбиявий ва таълимий мақсадларини

шакллантириш; мавзу асосида ўқув материалини режалаштириш; дарснинг

режаси ва конспектини тузиш; савол ва топшириқлар тузиш, сўровлар ўтказиш

ҳамда билимни далилий баҳолаш; ўқувчиларнинг мустақил ишини ташкил

этиш; ҳамкасблари ва ўз дарсларини таҳлил қилишга қаратилади.

         Фан бўйича талабаларнинг билим, кўникма ва малакаларига қуйидаги

талаблар қўйилади:

“Тиллар ўқитиш методикаси ва таълим технологиялари” фанини ўзлаштириш

жараёнида бакалавр талабаси: 

 педагогик моҳиятнинг манбаи, педагогика тарихининг асосий

босқичлари, ушбу соҳадаги янги илмий ютуқлар борасида тасаввурга

эга бўлиши; 

 ёшга доир психологиянинг ўзига хос хусусиятлари ва унинг гуманитар

фанларни ўқитиш методикаси билан алоқаси борасида тасаввурга эга

бўлиши; 

 гуманитар фанлар соҳасидаги анъанавий ва янги педагогик

технологияларни билиши; 

 таълим жараёнида ижтимоий ва педагогик фанлар интеграциясининг

асосий қонуниятларини билиши ва амалда қўллай олиши; 

3 

 чет тил дарсини анъанавий ва янги педагогик технологиялардан

тўлақонли фойдаланган ҳолда олиб бориши; 

 дарс бериш жараёнида таълимнинг замонавий техник воситалари билан

ишлай олиши; 

 янги илмий адабиётлар, дарсликларнинг электрон кўринишлари ва АРМ

каталогларидан фойдалана олиш кўникмасига эга бўлиши зарур.